Funtana Chistagna

Duri e Geremia Roner | 22 settember 2019

Nüglia per glieud cun clostrofobia. Davo chaminà duos uras e mez sü da Val d'Assa, eschna rivats davant la Funtana Chistaina. Il prüm deirna stuts dal sbrü d'aua chi gniva our da la foura d'entrada. Chasper Alexander ans ha lura però declerà, cha l'aua saja be ils prüms 5 meters. Davò var 50 meters eschna rivats pro la sfida la plü gronda, La Foura da la Müstaila. Il lö il plü stret. Plü inaint deira lura üna patocha chi tachaiva a mort. Davò 250 meters, pelsolit sün tuots quatter o in butaschas, eschna rivats aintasom il cuvel. Inavò eschna its ün toc ün pa ün'otra via, però La Foura da la Müstaila nu vaina pudü sviar oura. Grazcha fich a Chasper Alexander pel manar ed a tuot ils partecipants per la flotta cumpagnia.  

Participants: Chasper Alexander (manader), Jon Marchet, Chasper Ans, Jan, Marina, Jon, Duri e Geremia