Piz da las Clavigliadas (2983 msm)

Jon Andri Fliri | 18/08/2022

Davo l'inscunter pro la plazza da parcar a Gurada ans ha Not Armon manà in duos gruppas cun seis gipin ün toc aint da la Val Tuoi in fin pac sur l'Alp Suot. Da la davent eschna chaminats pachific sü vers il Lai Blau infin sül fil da Tuoi. Davo üna cuorta posa vaina cuntinuà la via sü dal spi, sur blocs e grippa fin sül Piz da las Clavigliadas. Pro ün panorama da bellezza ed üna vista fantastica vaina mangià nossa marenda ed amo giodü ün süerv iva sco desert. La cuntinuaziun sur il spi oura e gio ha dumandà amo ün zich concentraziun, perchè chi d'eira minchatant vaira expost e grippus. Vers las duos eschna lura rivats pro la chamonna Tuoi ingio cha vain ans laschà gustar amo ün "Radler" ed ün bun toc tuorta avant co tour la via our da Tuoi vers Guarda suot ils peis.

Bel esa stat! Ün grazcha fich a Not Armon per la guida ed a tuotTas partecipantAs per la flotta cumpagnia.

Participants: Not Armon Willy (manader), Nadja Bernhard, Christina Müller, Claudia Rest, Imelda Schmid, Christoph Keller, Jon Andri Fliri