Mot Tavrü

Claudia Rest | 04.02.2024

Not Armon, Ursula, Kurt e Felix sun rivats a Zernez cul tren a bunura a las 8.15. Davent da quà sun amo gnüts pro Christoph e Claudia. Puchadamaing ha Aita dormi oura invezza da star sü per gnir cun nus.

Davent da Zernez eschna its cul auto da posta fin vi la Val Müstar (Minschuns). Là vaina amo inscuntrà a Tobias chi d'eira natüralmaing eir annunzchà ed es gnü cun nus. Cun tour ils skis our da l'auto da posta ha Chrisoph badà ch'el haja invlidà seis bastuns vi Zernez aint il auto. Per furtüna vaina tschüf da la butia da roba da dar a fit pro Andy ün pér bastuns, pero da quels per ir sün pista e na da tura.

Cul runal eschna its fin sü Minschuns, il punct il plü ot e da là davent esa sco prüm i da quagió e natüralmaing eir ün pa gualiv oura ed i d'eira da stumplar. Pover Christoph cun seis super bastuns vaiva ter fadia da rivar inavant.

Rivats a S-charl eschna las 11.00. Là vaina Iura miss sü las pels ed ans vain miss in viadi vers l'Alp Tavrü. Davo ün'ura ed ün quart d'eirna là. I d'eira bel chod, bod massa! Davo avair fat üna posina esa Iura i be gualiv sü vers il Mot Tavrü, rivats süsom la costa stipa esa Iura i amo ün pa pü pachific amunt fin sül Mot Tavrü. Che bellezza! I's vezza fin gió Scuol e bels pizs in vicinanza: Piz Tavrü, Piz Foraz, Piz Plavna Dadaint ed il Piz Pisoc, ed amo blers oters. Per far marenda nu d'eira uschè agreabel perche chi giaiva ün ferm vent. Perquai vaina decis dad ir giò pro l'Alp a mangiar. Sü'l viadi aval vaina fermà e Not Armon ha installà seis spejel lung. Nus vain pudü observar il gnieu dal girun barbet aint illa Val Foraz. Che bellezza a vaira il bel e grond utsché a cuar seis övs, ün purtret inschmanchabel!

Davo avair mangià il vainter plain e bavü I'iva da Claudia, cha vaivan invlidà da baiver süsom, ans vaina miss in viadi vers Scuol. Da la via da S-charl oura d'eira ter da stumplar e vain inscuntrà blers chavals. Pro la barriera es rivà il bus da l’Hotel Belvedere cha Kurt vaiva organisà ed ans ha manats fin Scuol. La eschna Iura its a baiver amo üna buna bierina e vain fat viva sün nossa fich fich bella tura.

Grazia fich Not Armon

Participants: Not Armon, Ursula, Kurt, Felix, Christoph, Claudia, Tobias