Piz Surgonda

Tabea Savoldelli | 01.02.2025

Nus ans vain inscuntrats la bunura bod a las 7 sül Ospiz dal Güglia cur chi d’eira bod amo s-chür. I nu d’eiran be participants dal CAS Engiadina Bassa mo eir da quels dal SAC Raetia, Arosa ed ün dal Unterägeri. Da la Veduta sün 2337 m.s.m. eschna chaminats tras la Val d’Agnel in duos gruppas sü in direcziun vers il Piz Surgonda. Pro la prüma posa ha Silvano declarà la situaziun actuala da las lavinas e las differentas vettas da naiv. Sün circa 3000 m.s.m. as haja lura decis, da na plü ir inavant causa il privel da lavinas. Nus veivan üna cuorta ma fich bella skiada cun bella naiv lomma fin giò sün circa 2700 m.s.m. Causa la naiv frais-cha e la not sainza vent, d’eira tuot la crappa cuverta cun naiv. Quai ha pisserà per ün o tschel sgraffel i’ls skis. Da là eschna lura chaminats amo üna jada sül Muot Cotschen, sün 2863 m.s.m.
Dürant l’ultima muntada ha ün partecipant pers las pels e las duos guidas han improvisà cun bindels da tachar per üna soluziun provisorica. Sco finischiun veivna lura amo üna lunga skiada fich bella fina giò pro l’ Ospiz, ingio chi ha dat üna pitschna marenda in cumpagnia i’l restorant Veduta. 

Ün grond grazcha fich a Silvano ed a Jachen Andri per la guida e l’ organisaziun grondiusa!
A tuots per la flotta cumpagnia ed il bel di!

Participants: Adrian, Andri, Cristina, Chasper, Domenica, Gino, Jon Andri, Lilo, Manuela, Reto, Sarah, Tabea, Tania, Jachen Andri (guida), Silvano (guida)