Giubileum 125 ons, Gita sül Piz Buin

Cristoffel Denoth | Val Tuoi 15 – 17 settember 2017

Previs d‘eira dad ir sü üna via nouva, üna ruta prüma ascensiun, be dret sü. La „Buin CAS EBVM 125“. Trid‘ora e naiv han però permiss ad ün pêr indevastabels dad ir sü be la normala. Amo a da s-chür, bain paketats aint, ils üns cul umbrella, eschna partits sü dal Cronsel, aint da Plan Rai, sü da la Cudera, sur Fuorcla Cunfin, vi la Fuorcla Buin e sü. I naivaiva, zofflaiva e sbischaiva, ma no travachaivan e rampignaivan contant, sco‘ls ultims sudats da l‘armada da Bourbaki. Casü s‘haja dafatta vis ingio cha no d‘eiran. Tuornats in chamonna e davo ün cafè chod ans vaina laschà gustar la buna tschaina. Dafatta üna musica vaiva‘l organisà e la trais-cha nu vain mancantà.

Grazcha fich a Christian pel manar e per l‘organisaziun da la bella festina.

Participants: Christian Wittwer (Manader), Flurin Marugg, Mathias Marugg, Claudio Taisch, Nina Taisch, Andri Taisch, Not Armon Willi, Curdin Roner, Christian Witwer, Duri Roner, Cristoffel Denoth, Marina Rauch, Christine Epting, Carola Guggisberg.