Gita sül Piz Lagrev 3164 m

Jon Janett | a partir dals 02-02-2019

In ot partecipantas e partecipants vaina fat la gita, manada dad Alfons, cun bell'ora, cun bunas relaziuns da naiv ed in ün tempo da chaminar agreabel. Sül piz vaina giodü la grondiusa vista e la mareda.Id es stat üna bun'idea da partir la bunura bod - uschè vaina eir pudü guinchir a las rotschas da skiunz chi d'eiran lura plü tard in viadi vers il piz.

Cun gnir aval vaina miss sü amo üna jada las pels per passar sur la Fuorcla Lagrev. Da tschella vart da la fuorcla eschna stats stuts da las costas cun bella naiv ch'ingün nu vaiva toc - propcha üna super-skiada!

Grazcha fich ad Alfons in nom da tuot la gruppa.