Piz Nuna (3124 msm)

Jon Andri Fliri | gita da skis da prümavaira

Davo il viadi cun autos da Sent-Scuol-Ardez fin sü vers il Fuorn eschna partits intuorn las 06:45 suot ün tschêl blau atschal sü vers l'Alp Laschadura. "Schi'd es da trar oura ils skis pü co duos jadas, schi's tratta d'üna gita da prümavaira", ha manià nos manader cur cha vain trat oura ils skis la prüma jada passond aint la via d'alp. Nus vain lura davo stuvü far quai be amo trais jadas, voul dir cha las relaziuns d'eiran optimalas. Sü sur l'Alp vaina dat ögl fingià trais persunas ün ter toc amunt sü per las costas, e gio plü aval sper l'aual davo no d'eiran intant eir amo üna gruppa da var 10 persunas instradadas sü vers la Val Laschadura. Sü per las costas stippas dal Fourun da Nuna haja vuglü listess amo ils fiers per nu sglischir aval. L'ultim toc suot il Piz han nos manaders as sfadiats da far üna via perfetta per rivar be sainza s-charpellas fin süsom. La vista e las relaziuns sül Piz d'eiran propcha perfettas. Pervi da las relaziuns da naiv ha nos manader però propuonü, da tuornar aval eir gio da Laschadura e na tras la Val Nuna (sco previs oriunt il program). E quai ha eir cunvgnü plainamaing. Nus vain pudü giodar üna skiada da bellazza gio per costas cun naiv arsa da bellezza. Grazcha fichun ad Andri e Jon per la bella gita ed a tuot ils partecipants per la flotta cumpagnia.

Participants: Andri Poo e Jon Buchli (manaders), Aita Dermont-Stupan, Andri Lansel, Christina Gregori Lansel, Stephan Husy, Alan Zlatar, Jon Andri Fliri