Champatsch- Tasna- Zuort

Claudia Rest | a partir dals 25-02-2023

Nus ans vain inscuntrats las 8.30 pro las pendicularas Motta Naluns, eschan its culla pendiculara e s-chabellera fin sülla Fuorcla Champatsch, i ha dat naiv frais-cha suraint, già sül territori da skis vaina badà la bella naiv, la prüma schmuntada fin giò'l Plan Tiral deira bella naiv, i nun as vezzaiva bler causa cha l'ora nu deira usché bella.Pro'l Plan Tiral vaina miss sü las pels ed eschan its sü vers il Vadret dal Tasna.Il Piz gniva adüna plü dastrusch, eu Claudia füs schont gugient ida sül piz, ma eu craj cha'eu deira l'unica e causa la naiv frais-cha nu deira amo ingün passà sü. L'ultim tockin vaina amo stuvü ir a pè. Nus vain fat marenda süsom il vadret cuort suot il Piz Tasna, davo la posa ans vaina miss in viadi ingiò, il prüm toc darcheu a pè.Claudia ha bod amo laschà ir ün ski sulet da la foura giò cun tour giò las pels, cur cha tuots d'eiran pronts eschan partits aval vers il plan San Flurin, che gaudi, che cana, che gail, puolvra sainza fin tuots giüvlaivan dal plaschair a passar da la Val Laver oura, ed eir il sulai d'eira l'ura rivà. Ün toc sur Zuort vaina l'ura stuvü tour giò ils skis e chaminar. A Zuort eschan its amo a baiver üna e mangiar alch. Cur cha no ans l'aivan metter in viadi per chaminar oura Vnà a dit Cristoffel chi chi voul po gnir cun mai cul Rapid el vaiva tachà davonan ün char grond, el til vaiva mis aint la saira avant aposta per nus, nus vain miss aint tuot ils skis e 4 duonnas an be subit fat ün sagl davo sü, che cana chi deira fin a Vnà. Quels chi sun chaminats han lultim toc gnü amo ün taxi. Rivats vers las 17.00 cuntaints ma eir stanguels a Vnà.

Grazcha fich fichun Cristoffel i deira la cana, no gnin amo plü cun tai.

Claudia Rest

Participants: Nicole Schaad, Sara Von Flüe, David Schaffner, Franziska Schaffner, Jon Andri Fliri, David Baumhauer, William Baumhauer, Sandra Bänninger, Cristoffel Denoth, Claudia Rest